VOV4.Êđê - Hlăm aguah mbrue (10/8), ti Kdrŭn êdeh kwar Ngŏ, lehanăn kdŭn êdeh kwar Yŭ, knơ̆ng bruă sang čư̆ êa dŭm čar Daklak; kiên Giang hgŭm hŏng knơ̆ng bruă sang čư̆ êa ƀuôn prŏng Hồ Chí Minh mkŏ mjing dŭm gưl êdeh dŭ ba wĭt mnuih kơ ƀuôn sang pô, mâo knơ̆ng bruă êdeh mdiăng tue Phương Trang đru. Bruă anei mâo mprăp leh hŏng klei jăk, jih jang mnuih mâo ba wĭt hlăm djăp anôk mdê mdê tui si kdriêk, rơ̆ng wang bi kbưi. Jih jang mnuih wĭt dưi mâo hră mkă dlăng kman adôk klei tŭ dưn, amâodah lŏ test pral ti kdrŭn êdeh mtam. Lu mnuih wĭt gưl anei jing mnuih ngă bruă amâo lŏ mâo bruă mă ôh, phung hđeh hriăm hră gưl prŏng, gưl krah, mnuih nao kơ ƀuôn prŏng Hồ Chí Minh bruă hjăn, hlŏng kpăk đuôm hĕ êjai ngă klei kăm mkhư̆ bi ktlah. Hlăm tlam mbrue, ti kdrŭn êdeh kwar Ngŏ, knơ̆ng bruă sang čư̆ êa čar Phú Yên ăt mkŏ mjing klei atăt wĭt phung ƀuôn sang pô gưl tal 6 leh truh 600 čô mnuih./.

Y Khem pô mblang