VOV4.Êđê- Hlăk Việt Nam dôk tlă anăp hŏng klei ruă Covid 19 dleh dưi ksiêm dlăng ti lu alŭ wăl, mmăt hruê 26/8, Australia mrâo hưn, hlăm hruê kăm anei srăng ba jao kơ Việt Nam ênoh vaccine gưl tal êlâo mâo 400 êbâo hnơ̆ng hlăm ênoh vaccine mâo ala čar anei ƀuăn đru kơ Việt Nam. Ênoh vaccine anei dôk hlăm hnơ̆ng 1,5 êklăk vaccine AstraZeneca mâo Australia ƀuăn mkăp kơ Việt Nam hlăm thŭn anei. Ênoh vaccine anei mâo Australia ƀuăn mkăp kơ ala čar drei mbĭt hŏng ênoh đru 40 êklăk AUD čiăng hrăm mbĭt hŏng UNICEF đru kơ Việt nam mdrơ̆ng hŏng klei ruă Covid 19. Êngao anăn, Australia ăt đru kơ Việt Nam mdrơ̆ng hŏng klei ruă Covid 19 hluê hŏng ênoh prăk đru mguôp truh 130 êklăk AUD hlăm hdră bruă COVAX đru kơ dŭm ala čar dôk đĭ kyar dưi dưn vaccine hŏng klei mtăp mđơr./.

Pô mblang: H’Nêč Êñuôl