VOV4.Êđê- Mlam mmăt hrue 19/12, ti tač êdeh phiơr Nội Bài mkŏ mjing leh klei ba jao vaccine, mnơ̆ng mkra mjing êa drao, lehanăn ngăn prăk kơ dŭm anôk bruă lehanăn phung duh mkra Việt Nam. Knăm anei, mâo k’ĭang khua knŭk kna Lê Minh Khái lehanăn knơ̆ng khua čih hră bruă kƀĭn ala, khua adŭ bruă kƀĭn ala Bùi Văn Cường jao leh vaccine, kdrăp mdrao mgŭn, prăk kăk mơ̆ng dŭm knơ̆ng bruă Dhŭng Korea lehanăn India mđup brei kơ Việt Nam ƀri gưl Khua bruă kƀĭn ala brei phŭn bruă mdrao mgŭn, Dhar bruă mặt trận čar kwar Việt Nam. Boh nik, jao 200 êbâo hnơ̆ng vaccine COVAXIN kơ hđeh kgŭ 18 thŭn mơ̆ng Êpul grŭp Bharat Biotceh India đru.

Ba jao kdrapw mkra mjing lehanăn 1 tôn mnơ̆ng pioh mkra mjing truh 4 êklăk 750 êbâo asăr êa drao Movinavir pioh mdrao Covid 19 mâo knơ̆ng bruă Optimus Pharma ala čar India bi mguôp hŏng knơ̆ng bruă Mekophar ala čar Việt Nam. Ba jao truh 2 êklai won jing hlăm brô 40 êklai prăk, mơ̆ng Êpul grŭp ngăn prăk Hana ala čar Dhŭng Korea đru kơ knơ̆ng prăk duh mkra mnia mblei Việt Nam BIDV duh kơ jih jang bruă hlăm klei hdĭp mda ala ƀuôn./.

Pô mblang: Y-Khem Niê