VOV4.Êđê- Hruê 27/5, Khua anôk bruă Bảo hiểm yang ƀuôn Việt Nam Nguyễn Thế Mạnh bi ala jih jang mnuih mă bruă ti anôk bruă Bảo hiểm yang ƀuôn Việt Nam ba jao 2 êklai prăk đru kơ Keh gang mkhư̆ klei ruă Covid 19 hluê hŏng Dhar bruă Mặt trận čar kwar gưl dlông Việt Nam. Anei jing ênoh prăk čŏng đru mguôp mŏng jih jang êpul knuă druh, mnuih mă bruă ti anôk bruă Bảo hiểm yang ƀuôn Việt Nam.

Ti anăp klei ruă Covid 19 dleh dưi ksiêm dlăng, dôk mâo sui, mbĭt hŏng bruă rŏng kjăp klei tŭ dưi kơ mnuih nao hgŭm hlăm Bảo hiểm yang ƀuôn, Bảo hiểm mdrao mgŭn, Bảo hiểm luič bruă mă, Bảo hiểm yang ƀuôn Việt Nam ksiêm dlăng nanao hdră gang mkhư̆ klei ruă Covid 19 kñăm pral mjing klei găl đru kơ mnuih nao hgŭm dưi dưn hdră mtrŭn jăk găk mŏng Bảo hiểm yang ƀuôn, Bảo hiểm mdrao mgŭn, Bảo hiểm luič bruă mă, Leh bluh mâo klei ruă Covid 19 gưl 4, Bảo hiểm yang ƀuôn Việt Nam pral gĭt gai anôk bruă Bảo hiểm yang ƀuôn dŭm čar pral bi hgŭm hŏng dŭm êpul êya djŏ tuôm rŏng klei dưi ksiêm mkă dlăng, dŏng mdrao kơ mnuih hgŭm blei Bảo hiểm yang ƀuôn./.

                                                    Pô mblang: H’Nêč Êñuôl