VOV4.Êđê - Tlam mbruê (30/6), ti anôk mđung asăp blŭ ala čar - 58 Quán Sứ, Hà Nội, sang mđung asăp blŭ Việt Nam mkŏ mjing leh knăm bi êdah lehanăn bi mklă mơ̆ng khua knŭk kna kơ bruă ruah mdưm khua knơ̆ng kiă kriê anôk bruă mđung asăp blŭ Việt Nam. Hlăm knăm anăn, mâo klei dưi mơ̆ng khua knŭk kna, khua hlăm phŭn bruă kđi čar, k’iăng khua knŭk kna Phạm Bình Minh mđup brei klei bi mklă ruah mdưm khua knơ̆ng kiă kriê anôk bruă mđung asăp blŭ Việt Nam kơ Đỗ Tiến Sỹ.

Tŭ mă dŭm klei gĭt gai yuôm bhăn lehanăn jao bruă klam mơ̆ng k’iăng khua knŭk kna Phạm Bình Minh, khua knơ̆ng gĭt gai anôk bruă mđung asăp blŭ Việt Nam Đỗ Tiến Sỹ brei thâo, hruê mmông kơ anăp, anôk mđung asăp blŭ Việt Nam srăng mâo klei gĭr bi hmar kơ klei mrâo mrang, mđĭ klei dưn yua dŭm kdrăp mrâo mrang mrâo, ksiêm duah lehanăn dưn yua kdrăp mrâo mrang hlăm dŭm hdră êlan mđung asăp blŭ, mđung rup, bi mklă ngă djŏ nanao dŭm klei bhiăn hlăm bruă klei mrâo jing mâo klei mrâo djŏ, hmar, mâo klei bi mklă, bi êdah bruă klam jing sa anôk bruă klei mrâo tal êlâo mơ̆ng Đảng, knŭk kna hlăm bruă ba anăp kơ klei mrâo, mnuih dlăng./.

Y Ƀel pô mblang