VOV4.Êđê - Aguah mbrue (12/7), ti Hà Nội, khua lăn car Nguyễn Xuân Phúc, Khua Êpul gơ̆ng bruă răng mgang ala čar lehanăn răng gang klei êđăp ênang, knơ̆ng khua kiă kriê lĭng kahan yang ƀuôn nao ti anôk bi hdơr 75 thŭn hrue knhuah gru kahan ksiêm yang ƀuôn (12/7). Blŭ hrăm ti anôk bi hdơr, khua lăn čar Nguyễn Xuân Phúc mtă kơ êpul kahan ksiêm yang ƀuôn păn kjăp nanao klei sĭt suôr hŏng Đảng, kơ klei khua lăn čar kiă kriê, lehanăn klei bi sa ai hlăm knŭk kna.

Lŏ dơ̆ng hlue ngă tŭ jing hdră êlan mơ̆ng Đảng, hdră bhiăn knŭk kna kơ bruă răng mgang klei êđăp ênang lăn čar, thâo săng klă bruă čuăn kơ bruă răng mgang klei êđăp ênang ala čar hlăm djăp mta boh klei truh, amâo mâo lĕ hlăm klei kdjăt. Khua lăn čar mtă: hlue ngă kjăp hdră êlăng răng mgang, thâo tĭng mkă mơ̆ng kbưi, thâo ƀuh kơ klei amâo mâo hơĭt, mâo klei thâo răng hĭn jing phŭn, bruă răng mgang klei êđăp ênang ala čar jing bruă pioh rŭ mdơ̆ng lehanăn mđĭ kyar lăn čar./.

Y Khem pô mblang