VOV4.Êđê- Tlam hruê 12/9 mbruê, Dhar brua\ hgu\m dua knu\k kna Việt Nam lehana\n Cuba bi rue# leh klei bi k[^n tal 37, leh 4 hruê ngă brua\ jih ai tiê, ho\ng klei pral, mâo klei uê` klam. Klei bi k[^n, dua nah bi myuôm hluê ngă djo\ ho\ng klei ]ih mkra klei bi k[^n tal 36, lehana\n bi tu\ ư: Jih jang klei hgu\m mâo ngă leh, ênoh bi mnia mblei dua ala ]ar thu\n 2018 đ^ kyar 25% mka\ ho\ng thu\n 2017.

Êpul bi ala dua ala ]ar nao hlăm klei bi k[^n

Việt Nam jing leh ala ]ar hgu\m duh mkra mnia mblei dôk tal 2 mơ\ng Châu Á ho\ng Cuba. Jih jang brua\ puhng duh mkra Việt Nam mâo ngă brua\ ti Cuba mâo ngă leh ho\ng klei jăk, lehana\n mjing leh lu mta mnơ\ng ]h^ mnia ti Cuba hlăm thu\n 2019. Dua nah lo\ bi mkla\ kơ du\m brua\ hgu\m hlăm gưl 37, mđ^ h^n djăp hdră phung duh Việt Nam  mâo brua\ duh bi liê ti Cuba; ngă brua\ mâo klei tu\ jing djăp brua\ hgu\m hlăm brua\ lo\ hma, boh nik pla mjing mnơ\ng [ơ\ng, rông hdang kan. Dua nah ăt bi tu\ lo\ po\k mlar h^n brua\ hâo hưn, brua\ mdrao mgu\n lehana\n lu brua\ mkăn./.

Y-Khem Niê mblang