Lâm Đồng tă hdră wăl duh mkra ktuê hang ksĭ 75.000ha, mđing kơ klei đĭ kyar mrâo
Thứ ba, 09:36, 05/05/2026
VOV Tây Nguyên
VOV Tây Nguyên
VOV.Êđê- Hruê 4/5, Êpul mă bruă gưl dlông mâo Khua hlăm bruă Đảng gưl dlông, Khua sang phat kđi yang ƀuôn gưl dlông Nguyễn Văn Quảng ngă khua êpul mă leh bruă hŏng čar Lâm Đồng kơ klei pŏk ngă Hdră bruă Wăl duh mkra ktuê hang ksĭ leh anăn dŭm hdră bruă phŭn.
Hdră bruă tă hdră mkŏ mjing anôk đĭ kyar mrâo mâo hnơ̆ng hlăm brô 75.000ha, mđĭ kyar lu mta bruă msĕ si bruă tuh tia mkra mjing, ƀuôn prŏng, hdră bruă, kdrŭn ksĭ, logistics, êa pui êwa čuh leh anăn hiu čhưn ênguê; ară anei mâo hlăm brô 210 hdră bruă, hlăm anăn mâo 128 hdră bruă ba yua leh. Kdrŭn ksĭ dưi čuăl mkă djăp hnơ̆ng čuăl kdrŭn ksĭ mrô I, mâo klei dưi dôk jưh kơ kŭm păn truh 150 êbâo ton.
Blŭ hrăm hlăm mmông mă bruă, Nguyễn Văn Quảng mñă klă klei čiăng mjing klei mdê hjăn, mdidng mđĭ kyar anôk bruă êa pui êwa čuh hnơ̆ng prŏng jing phŭn iêô jak duh bi liê, mđĭ klei dưi bi ktưn; mbĭt anăn mguôp hdră čuăl mkă hŏng klei mlir krĭng, mđĭ mkŏ anôk bruă nah gŭ, mkŏ mjing klei đĭ kyar hrăm mbĭt.
Viết bình luận