Ƀuôn hgŭm Ea Kao, čar Daklak mtrŭt mjhar “Bruă ƀuôn prŏng, bruă ƀuôn sang, lăn lehanăn mah bi myơr yơh” (
Thứ năm, 08:18, 07/05/2026
VOV Tây Nguyên
VOV Tây Nguyên
VOV.Êđê-Hrue mbrue 6/5, ƀuôn hgŭm Ea Kao, čar Daklak mkŏ mjing leh klei mtrŭt mjhar “Bruă ƀuôn prŏng, bruă ƀuôn sang, lăn ala mah prăk ăt bi myơr yơh”, lehanăn bruă “Mkiêt mkriêm kmŭt mnia kñĭ”, kñăm mjing klei bi sa ai hlăm mnuih ƀuôn sang, ruh mgaih jih klei dleh kpăk kơ anôk ala, iêo jak jih ai ktang hlăm bruă mđĭ kyar nah gŭ.
Klei mtrŭt mjhar anei kñăm kơrŭ wĭt ai tiê klei đua klam, mđĭ hĭn klei thâo bi mguôp hlăm mnuih ƀuôn sang, mjing klei găl kơ klei čŏng mprăp êmiêt drông ngă djăp mta bruă rŭ mdơ̆ng, bruă duh mkra. Mbĭt hŏng anăn, bruă mtrŭt mjhar “Mkiêt mkriêm kmŭt mnia kñĭ” anap nao hlăm klei mjut mjing đru ba kơ phung đảng viên dleh dlan, lŏ bi kjăp êpul bruă Đảng nah gŭ.
Hlăm hrue mtrŭt mjhar anăn mtam, lu gŏ sang, êpul bruă mkŏ mjing klei duh myơr lăn ala, đru mguôp ngăn prăk hlăm bruă mkra êlan. Mâo đa đa êpul bruă klei đăo hlăm alŭ wăl bi hgŭm mơh, mjing klei lar bra prŏng. Klei mtrŭt mjhar myơr lăn ala, amâo mâo djŏ knŏng đrukơ dŭm bruă čiăng rŭ mkra mâo ngă pral, mjing atur knơ̆ng kơ bruă mđĭ kyar ƀuôn prŏng lehanăn klei duh mkra alŭ wăl./.
Viết bình luận