Dua khua kiă kriê bi êdah klei mơak anăp klei đĭ kyar mơ̆ng klei bi mjĕ Việt Nam – India leh 10 thŭn mkŏ mjing Klei bi mjĕ ƀĭng hgŭm phŭn kluôm dhuôm. Dua tĭng tŭ ư tă lu hdră êlan mbĭt kñăm bi êlam hĭn klei bi mjĕ hgŭm bruă. Hlăm anăn, hdră bi hgŭm bruă lĭng kahan – răng mgang klei êđăp ênang dưi bi mklă jing bruă phŭn.

Kơ hdră duh mkra, mnia mblei lehanăn duh bi liê, dua ala čar tŭ ư mjing boh kdrŭt hlăm hdră bi hgŭm kluôm hlăm klei mkăp, mđĭ boh tŭ yuôm mnơ̆ng dhơ̆ng hluê hdră ba wĭt boh tŭ dưn. Khua gĭt gai Đảng, Khua lăn čar Tô Lâm mñă Việt Nam mprăp mđĭ hnơ̆ng blei mnơ̆ng mơ̆ng India, mbĭt anăn akâo kơ India ƀrư̆ ruh mtlaih klei kčah mtrŭn hnơ̆ng čuăn mnơ̆ng dhơ̆ng Việt Nam. Dua tĭng tŭ ư mă bruă kreh knhâo – kdrăp mrâo, bi mlih mrâo lehanăn mlih mrô mjing boh kdrŭt kơ wưng đĭ kyar mrâo hlăm klei bi mjĕ dua nah./.