Hlue ngă hdră mtrŭn mrô 57 lehanăn mrô 79 mơ̆ng phŭn bruă kđi čar, wưng leh êgao, Phŭn bruă lŏ hma wăl hdĭp mda, mbĭt hŏng phŭn bruă kahan ksiêm, dŭm phŭn dhar bruă alŭ wăl dôk ngă djăp bruă klei kơ lăn ala, mkăp pioh hră mơar lăn ala hŏng kdrăp mrô, boh nik klei duah klei tŭ, klei bi doh hră mơar kơ lăn ala thŭn 2025. 34 boh čar ƀuôn prŏng ngă leh jih jang kơ ênoh lăn ala mâo hlăm brô 62,4 êklăk kdrăn.

Phŭn bruă lŏ hma, lehanăn wăl hdĭp mda hlăk bi mguôp hŏng phŭn bruă kahan ksiêm čiăng bi sa hnơ̆ng klei mkăp pioh hră mơar hlăm kdrăp mrô. Ƀiădah bruă bi tĭng mkă, ngă hră mơar lăn, mkŏ mjing bi leh ênoh hră mơar hŏng kdrăp mrô dôk êmưt, mâo đa đa amâo mâo dưi ngă bruă anei. Bi klă anei jing bruă dleh, klei kiêm yap lăn ala hlăm kdrăp mrô, brei ngă nanao, ngă bi leh, k’iăng khua knŭk kna Hồ Quốc Dũng mtă kơ dŭm phŭn dhar bruă, alŭ wăl ngă jih ai tiê bi leh 6 mta hŏng klei mngač, mkra hŏng klei ƀhĭ ênŭm, mâo klei đua klam brei bi leh ti knhal jih thŭn kơ bruă lăn ala./.