Dak Lak gĭr ruh mtlaih klei dleh kpăk čiăng mđĭ kyar dua ênoh mrô
Thứ năm, 10:17, 07/05/2026
VOV Tây Nguyên
VOV Tây Nguyên
VOV.Êđê- Aguah 6/5, Anôk kriê dlăng bruă Đảng čar Dak Lak brei klei blŭ kơ bruă hluê ngă mta kñăm mđĭ kyar bruă duh mkra dua mrô wưng thŭn 2026–2030, mđing bi leh hdră čuăl mkă, ruh mtlaih klei gun kpăk hlăm bruă duh bi liê knŭk kna, klei ngă hră mơar lehanăn msir mghaih anôk ala.
Dak Lak mâo mta kñăm mơ̆ng ară anei truh kơ jih thŭn, GRDP (ênoh yuôm mnơ̆ng dhơ̆ng ti alŭ wăl) mâo êbeh 152 êbâo êklai prăk, đĭ kyar mơ̆ng 10,64% kơ dlông. Blŭ hrăm gĭt gai, Khua dlăng bruă Đảng čar Dak Lak Lương Nguyễn Minh Triết mtă brei hluê ngă kjăp klei bhiăn, mđĭ bruă čih mkra hdră kčah mđĭ kyar, mkra mlih klei ngă hră mơar, bi hrŏ klei ngă hră mơar, boh nik hlăm bruă lăn ala; mbĭt anăn mtă brei mkŏ mjing “Êpul pral” msir mghaih anôk ala.
Khua knơ̆ng bruă sang čư̆ êa čar Dak Lak Đỗ Hữu Huy brei thâo, čar pŏk ngă lu hdră đru duh bi liê, ƀiădah klei gun kpăk kơ bruă duh bi liê knŭk kna, msir mghaih anôk ala lehanăn klei ngă hră mơar brei mđing ruh mtlaih jih./.
Viết bình luận