Ti anôk mă bruă anăn, Phung khua kiă kriê anôk bruă UIDAI hưn mdah klah čŭn kơ klei mkŏ mjing, bi êran lehanăn pŏk mlar jih jang bruă kdrăp mrô lăn čar Aadhaar. Ară anei jih jang bruă mơ̆ng kdrăp mrô mâo mkăp leh truh 12 ênoh mrô kơ êbeh 1,4 êklai čô mnuih, đru leh kjăp kơ bruă elektronik, bruă  sinh trắc học lehanăn dưi mkŏ lu mta bruă kơ klei knŭk kna kiă kriê, kơ bruă ngăn prăk, bruă mdrao mgŭn, bruă mjuăt bi hriăm, bruă kơ klei hdĭp mda ala ƀuôn.

Nguyễn Duy Ngọc bi mni klei thâo mơ̆ng India hlăm bruă mkŏ mjing bruă mơ̆ng kdrăp mrô lăn čar pioh kơ klei mđĭ kyar bruă duh mkra mrô, yang ƀuôn mrô. Dua nah mâo leh klei bi trông kơ lu bruă djŏ tuôm hlăm klei kiă kriê kdrăp mrô, klei klă mngač mơ̆ng elektronik, kdrăp ngă bruă sinh trắc học, kriê pioh hră mơar mdê mdê, lehanăn hlue ngă bruă mrô hlăm hnơ̆ng prŏng, đru mđĭ klei bi mlih bruă mrô plah wah dua ala čar./.