Gưl nao čhưn mkŏ mjing hlăm boh klei Việt Nam mrâo bi leh anăn phung khua gĭt gai kmeh gơ̆ng, bi êdah klei dlăng myuôm hŏng India - ƀŏng hgŭm phŭn kluôm leh anăn mơ̆ng êlâo. Jing sa hlăm tlâo ala čar tal êlâo mkŏ mjing klei bi hgŭm anei hŏng Việt Nam, India hrăm mbĭt hŏng Việt Nam mđĭ klei bi hgŭm ƀrư̆ êlam hlăm 10 thŭn êgao, ƀiădah klei găl mđĭ kyar ăt adôk lu.

Hlăm boh klei krĭng wăl leh anăn dlông rŏng lăn mâo lu klei bi mlih, hŏng klei bi mlih ktang mơ̆ng bruă duh mkra dua ala čar, gưl nao čhưn jing klei găl kơ dua khua gĭt gai bi trông, tă hdră bi hgŭm hlăm wưng mrâo. Anei ăt jing klei găl mkŏ plah wah dŭm phŭn, dhar bruă, alŭ wăl, anôk bruă duh mkra, boh nik hlăm dŭm bruă kdrăp mrâo, mphŭn čô̆ kơ bruă leh anăn mlih mrâo mbruă.