Klei hâo mdah ti anôk bi kƀĭn brei ƀuh,  4 mlan akŏ thŭn 2026, klei duh mkra kluôm ăt hơĭt, klei prăk luič ênoh dưi krơ̆ng, dŭm mta bruă prŏng dưi bi kna, hrui wĭt kơ knŭk kna mâo êbeh 1,11 êklăk êklai prăk, klei bi mnia mblei hŏng ala tač êngao mâo êbeh 344 êklai USD. Blŭ hrăm ti anôk bi kƀĭn, khua knŭk kna Lê Minh Hưng mtă lŏ hyua kjăp hĭn klei bhiăn, lehanăn mă bruă bi sa hnơ̆ng jih jang, čiăng kơ bruă mđĭ kyar nao mđrĭng hŏng bruă bi hơĭt klei duh mkra.

Phŭn bruă ngăn prăk mâo jao lŏ ksiêm wĭt hdră êlan mă bruă, mghaih msir bi pral klei hnui tuh jia, mkŏ mjing hdră êlan duh bi liê êngao knŭk kna, mkŏ mjing dŭm êpul grŭp, knơ̆ng bruă duh mkra prŏng, kñăm bi leh dŭm ênoh čuăn kơ klei duh mkra mnia mblei, lehanăn ngă mtam dŭm bruă duh mkra knơ̆ng. Phŭn bruă lŏ hma wăl hdĭp mda mtă brei bi pral mtrŭn ênoh čuăn mbha ngăn prăk duh bi liê mơ̆ng hdră ala čar kñăm, duh tal êlâo kơ bruă êa doh, lehanăn mbĕ mnuih ƀuôn sang mơ̆ng krĭng klưh hroh, Phŭn bruă tuh tia bi leh klei čuăl mkă bruă pui kmlă mrô 8, rơ̆ng čiăng bi mâo djăp pui kmlă yua./.