Hluê ngă hdră bi tuôm hŏng phung bi ala kơ mnuih ƀuôn sang leh klei kƀĭn tal 1, Bruă Kbĭn ala gưl 16, Aguah mbruê 4/5, Khua Bruă Kbĭn ala Trần Thanh Mẫn mbĭt hŏng êpul bi ala Bruă Kbĭn ala ƀuôn prŏng Hồ Chí Minh (anôk bruă ruah khua mrô 12) bi tuôm hŏng phung bi ala kơ mnuih ƀuôn sang.

Klei bi tuôm dưi ngă ti să Hóc Môn leh anăn mkŏ online hŏng 10 anôk bi kƀĭn ti dŭm să ti alŭ wăl ƀuôn prŏng Hồ Chí Minh. Hlăm mmông bi tuôm, bi ala êpul bi ala Bruă Kbĭn ala, Khua Bruă Kbĭn ala Trần Thanh Mẫn wĭt lač 16 klei êmih mơ̆ng phung bi ala kơ mnuih ƀuôn sang kơ 6 êpul boh klei.

Djŏ tuôm hŏng lăn ala, klei čuăl mkă, sang dôk, boh klei mâo lu phung bi ala mnuih ƀuôn sang uêñ mĭn lu hĭn, Khua Bruă Kbĭn ala Trần Thanh Mẫn brei thâo, Bruă Kbĭn ala mâo leh hdră mtrŭn mrô 254 bi klă đa đa hdră êlan klă klơ̆ng čiăng ruh mgaih klei dleh dlan, kpăk gun hlăm bruă hluê ngă hdră bhiăn lăn ala, Khua Bruă Kbĭn ala Trần Thanh Mẫn brei thâo, Phŭn bruă kđi čar tŭ ư leh hdră êlan mkŏ mjing wăl krah prŏng kơ ƀuôn prŏng. Tơdah mâo Bruă Kbĭn ala bi klă, dŭm hdră êlan hlăm hdră bhiăn srăng đru ruh mgaih klei dleh dlan, kpăk gun, mkŏ mjing klei găl čiăng kơ ƀuôn prŏng mđĭ kyar hlăm dŭm mta bruă duh mkra - ala ƀuôn, rơ̆ng kơ bruă lĭng kahan - klei êđăp ênang leh anăn mkŏ mjing bruă kđi čar.