Hlue ngă hdră bi tuôm hŏng mnuih ƀuôn sang leh klei bi kƀĭn tal sa, Bruă kƀĭn ala gưl 16, aguah mbrue (4/5), Khua gĭt gai Tô Lâm mbĭt hŏng phung bi ala bruă kƀĭn ala êpul ruah khua mrô 1 Ƀuôn prŏng Hà Nộimâo leh klei bi tuôm hŏng lu mnuiih ƀuôn sang hlăm 10 boh ƀuôn hgŭm  Ba Đình, Ngọc Hà, Giảng Võ, Đống Đa, Kim Liên, Văn Miếu – Quốc Tử Giám, Láng, Ô Chợ Dừa, Hoàn Kiếm lehanăn Cửa Nam kñămhưn mthâo boh tŭ dưn klei bi kƀĭn lehanăn wĭt lač dŭm klei mnuih ƀuôn sang êmuh. Ti anôk bi tuôm, wĭt lač klei mnuih ƀuôn sang êmuh kơ bruă kiă kriê bruă kiă kriê sang čư̆ êa dua gưl, Khua gĭt gai Tô Lâm mñă kơ klei mkŏ mjing bi khuăt hdr\a êlan mă bruă, lŏ dơ̆ng bi kjăp hĭn.

Ƀiădah, klei mnuih ƀuôn sang dôk hmăng hmưi êdi jing čiăng mâo hdră êlan jăk hĭn kơ mnuih ƀuôn sang lehanăn kơ phung duh mkra, mjing atur kơ klei bi mlih klei hdĭp mda mnuih ƀuôn sang, gưl nah gŭ brei jĕ giăm hĭn hŏng mnuih ƀuôn sang, hŏng phung duh mkra, čiăng kơ mnuih ƀuôn sang thâo lehanăn pai mă klei găl duah bruă knuă, mjuăt bi hriăm bruă knuă, bi mlih bruă knuă mă, mkŏ bruă duh mkra hŏng bruă sang čư̆ êa, hŏng klei mjuăt bi hriăm, lehanăn mjing bruă knuă čiăng kơ mnuih ƀuôn sang mđĭ kyar klei hdĭp mda. Khua gĭt gai Tô Lâm kñă kơ dŭm hdră êlan prŏng čiăng kơ ƀuôn prŏng Hà Nội mđing gĭt gai, lehanăn mkŏ mjing hlue ngă bruă knuă hlăm wưng tinăp, hlăm anăn Hà Nội brei mđưm hdră bhiăn ƀuôn prŏng phŭn lehanăn klei čuăl mkă ƀuôn prŏng phŭn hlăm hdră êlan sa hnơ̆ng pioh dưi mă bruă./.