Khua knŭk kna Japon Takaichi Sanae nao čuă msat Khua gĭt gai Hồ Chí Minh; dưm kwang mnga ti Knưl bi hdơr kơ phung jhŏng ktang êngiă asei hlăm êlan Bắc Sơn, Hà Nội. Khua gĭt gai Đảng, Khua lăn čar Tô Lâm drông Khua knŭk kna Japon. Khua knŭk kna Lê Minh Hưng drông, bi trông leh anăn mbĭt hŏng Khua knŭk kna Japon Takaichi bi tuôm hŏng bruă klei mrâo čiăng hâo hưn kơ boh tŭ bi trông.

Ƀri gưl anei, ti anăp klei dlăng mơ̆ng Khua knŭk kna Lê Minh Hưng leh anăn Khua knŭk kna Japon Takaichi Sanae, dŭm phŭn, dhar bruă, alŭ wăl dua ala čar mđup brei 6 hră mơar bi hgŭm. Hlăm dŭm klei bi trông leh anăn bi tuôm, khua gĭt gai Việt Nam bi mni kơ gưl hriê čhưn mơ̆ng Khua knŭk kna Takaichi Sanae hŏng Êpul bi ala gưl dlông mơ̆ng Knŭk kna Japon mkŏ mjing hlăm wưng yuôm bhăn tơdah dua ala čar mâo sơăi Êpul khua gĭt gai mrâo, dôk gĭr ngă klei kñăm mđĭ kyar bruă duh mkra ala ƀuôn grăp ala čar.