Snăn, mmông mă bruă srăng dưi ba yua hŏng dŭm anôk bruă Đảng, Knŭk kna, bruă Mặt trận lehanăn dŭm êpul êya yap mơ̆ng gưl car hlŏng truh kơ dŭm gưl ƀuôn hgŭm snei: Aguah mơ̆ng 7h30’ truh 11h30’; tlam mơ̆ng 13h30’ truh 17h30’. Mkă hŏng klei čoh čuăn ară anei, mmông mă bruă aguah srăng lŏ kdŭn hlăm brô 30’, lehanăn bi ruĕ mmông mă bruă tlam êla hĭn êgao 30’.

Knơ̆ng bruă sang čư̆ êa čar Daklak brei thâo, klei lŏ bi mlih mmông mă bruă anei jing bi hrŏ êwang bi kpleh mmông mă bruă hŏng knŭk kna lehanăn dŭm phŭn dhar bruă gưl dlông (kreh kčưm mơ̆ng 8h). Êngao anăn, klei lŏ kdŭn mmông mă bruă aguah yap jing găp guôp hĭn hŏng yan adiê lehanăn hdră êlan kluôm leh êbeh mkrah dŭm boh čar, ƀuôn prŏng hlăm kluôm ala ba yua jar mmông mă bruă snăn. Bi hŏng dŭm mta bruă msĕ si sang êa drao gŭn, anôk mjuăt bi hriăm, dŭm êpul êya bruă čŏng bi mlih bi djŏ hŏng bruă mtô, lehanăn mkă dlăng mdrao mgŭn klei ruă./.