Tlâo kdrăp mrô mâo ba yua jing: Phần mềm adŭ bruă bi kƀĭn amâo mâo ba yua hră hŏng mơar ôh; ba yua anôk mă bruă thâo mĭn – Ênoh mnuih mrô hlăm  iOS lehanăn klei kiă kriê hră mơar, gĭt gai hŏng eOffice (lŏ mkra mđĭ). Hlăm anăn, phần mềm adŭ bi kƀĭn amâo ba yua hră hŏng mơar, dưi pŏk lehanăn dlăng jih jang hră mơar, klei klah čŭn mơ̆ng klei bi kƀĭn, mâo bi êdah hlăm kluôm kdrăp mă bruă anôk bi kƀĭn.

Boh tŭ klei bi kƀĭn mâo mă asăp, lehanăn čŏng bi lar hŏng hră mơar, đru mkiêt mkriêm hĭn mmông, ngă bruă hŏng klei klă mngač, lehanăn jing găl hĭn hlăm klei kăp ksiêm. Ba yua anôk mă bruă thâo mĭn – ênoh mnuih mrô dưi mkŏ hŏng ênoh kriê pioh yuôm bhăn msĕ si klei duh bi liê kluôm, klei duh bi liê êngao ngăn prăk knŭk kna, klei hrui wĭt ngăn prăk knŭk kna… pioh kơ bruă kiă kriê, gĭt gai mơ̆ng phung khua kiă kriê čar. Êjai anăn, jih jang kdrăp eOffice lŏ mđĭ hĭn hnơ̆ng jăk klei mă bruă hlăm klei kiă kriê hră mơar truh, hră mơar nao lehanăn klei bi klă hŏng mrô./.