Daklak bi pral ruh mgaih anôk ala pioh rŭ mkra êlan ktue hang ksĭ
Thứ ba, 10:19, 05/05/2026
VOV Tây Nguyên
VOV Tây Nguyên
VOV.Êđê- Tlam mbrue 4/5, Knơ̆ng bruă sang čư̆ êa čar Daklak mtrŭt mjhar bruă ngă “30 hrue mlam mjêč ruh mgaih anôk ala” anôk mkra êlan dơ̆ng ktue hang ksĭ, msir hĕ bi jih dŭm kdrêč dôk gun kpăk êjai bruă mkra êlan, lehanăn mghaih msir ngăn prăk duh bi liê kluôm.
Klei mtrŭt mjhar anei mkŏ mjing mơ̆ng hrue 4/5 - 4/6, iêo jak klei bi sa ai mơ̆ng jih bruă kđi čar, bruă mkra 25,47km, hŏng ênoh bi liê jih jang 3.825 êklai prăk; truh ară anei mâo jao leh êbeh 15km anôk ala, ƀiădah klei mă bruă ăt dôk êmưt.
Mkŏ mjing bruă mtrŭt mjhar, khua knơ̆ng bruă sang čư̆ êa čar Daklak Đỗ Hữu Huy mñă anei jing kdrêč êlan phŭn, jing yuôm bhăn snăk kơ bruă mđĭ kyar klei duh mkra ala ƀuôn, kơ bruă răng mgang klei êđăp ênang, bruă pŏk phai ƀuôn prŏng, bruă hiu čhưn ênguê, lehanăn dưn yua bi jăk klei duh mkra êa ksĭ, bruă ruh mghaih anôk ala jing bruă yuôm bhăn tal êlâo, pô djă akŏ brei mâo bruă klam kluôm dhuôm./.
Viết bình luận