VOV4.Êđê - Lŏ čuê dŭm hdră êlan hlăm klei kƀĭn tal 1 bruă kƀĭn ala gưl 15, aguah anei (23/7), dhar bruă kƀĭn ala srăng hưn mdah boh tŭ dưn mơ̆ng klei bi trông hlăm êpul kơ klei mkŏ mjing mơ̆ng knŭk kna. Boh phŭn mơ̆ng hră hưn mdah mơ̆ng knŭk kna jing lui ênŭm 18 phŭn bruă lehanăn 4 anôk bruă knar hŏng phŭn bruă msĕ hŏng êlâo anăn. Leh hmư̆ knŭk kna hưn mdah bruă kbĭn ala kơ bruă hlak mblang, čih yap boh blŭ mơ̆ng dŭm čô bi ala hlăm bruă mkŏ mjing mơ̆ng knŭk kna, dŭm klei phung bi ala srăng bi trông. Bi klă kơ hdră mtrŭn kơ klei mkŏ mjing knŭk kna wưng thŭn 2021-2026 hŏng kdrăp bi klă điện tử. Leh kơ anăn, bruă kƀĭn ala srăng hmư̆ klei hưn mdah kơ hdră êlan ngăn prăk ala čar, bruă lĭng čan, tla nư prăk lăn čar čan wưng 5 thŭn 2021-2025 lehanăn klei hưn mdah mơ̆ng bruă ksiêm duah kơ bruă anei. Ti tlam anei, bruă kƀĭn ala srăng hmư̆ klei hưn mdah hdră êlan duh bi liê kơ bruă kñăm ala čar bi hrŏ klei ƀun ƀin hŏng klei kjăp wưng thŭn 2021-2025, hưn mdah klei ksiêm duah kơ bruă anei.

Y Bel pô mblang