VOV4.Êđê- Lŏ čuê dŭm hdră êlan hlăm klei kƀĭn tal 1 bruă kƀĭn ala gưl 15, hruê anei (22/7), dŭm čô bi ala hmư̆ leh dŭm klei hưn mdah yuôm bhăn, hlăm anăn mâo dŭm klei hưn mdah kơ boh tŭ dưn ngă dŭm hdră êlan mđĭ kyar bruă duh mkra ala ƀuôn, ngăn prăk ala čar 6 mlan akŏ thŭn lehanăn dŭm hdră êlan mđĭ kyar bruă duh mkra ala ƀuôn 5 thŭn wưng thŭn 2021-2025. Leh kơ năn jing klei hưn mdah mơ̆ng dhar bruă mặt trận čar kwar Việt Nam  čiăng bi mklin boh blŭ, klei kcĕ mơ̆ng phung mplĕ hră lehanăn mnuih ƀuôn sang mơĭt kơ klei kƀĭn tal 1 bruă kƀĭn ala gưl 15, hră hưn mdah kơ hdră êlan mđĭ kyar bruă duh mkra ala ƀuôn 5 thŭn wưng thŭn 2021-2025.

Ti tlam anei, bruă kƀĭn ala srăng bi trông hŏng êpul, čih yap hdră êlan mđĭ kyar bruă duh mkra ala ƀuôn, ngăn prăk ala čar 6 mlan akŏ thŭn lehanăn dŭm hdră êlan ngă bruă mđĭ kyar bruă duh mkra ala ƀuôn, ngăn prăk ala čar 6 mlan kmhal jih thŭn 2021, hdră êlan mđĭ kyar bruă duh mkra ala ƀuôn 5 thŭn, wưng thŭn 2021-2025.

Pô mblang: Y-Ƀel Êban