Ênoh mkra mjing mơ̆ng bruă lŏ hma, mnơ̆ng hlăm dliê, kan hdang hŏng ênoh msĕ ară anei mâo giăm 33,7 êbâo êklai prăk, đĭ giăm 22% mkă hŏng wưng anei thŭn dih.

Hlăm klei kƀĭn trông ksiêm wĭt 6 mlan akŏ thŭn mrâo êgao, Knơ̆ng bruă lŏ hma leh anăn mđĭ kyar krĭng ƀuôn sang čar Dak Lak kñăm bi trông kơ dŭm hdră êlan djŏ tuôm hŏng bruă klam mơ̆ng dhar bruă, hlăm anăn kñăm kơ wưng hrui pĕ durian thŭn 2024, bruă kriê dlăng, răng mgang leh anăn mđĭ kyar dliê, mtrŭt mđĭ klei bi mguôp hlăm bruă lŏ hma, mđĭ kyar bruă mkra mjing hŏng hră tŭ yap.