Ba čhĭ container Macca Dak Lak ti mbah phŭn tal êlâo kơ ala čar Dhŭng Korea
Thứ năm, 14:52, 04/01/2024
VOV Tây Nguyên
VOV Tây Nguyên
VOV4.Êđê - Aguah mbrue (3-1), ti ƀuôn prŏng Ƀuôn Ama Thuôt, čar Daklak, knơ̆ng bruă mnia mblei hŏng ala tač êngao Nutrisol mkŏ mjing leh knăm “Ba čhĭ container Macca Daklak hlue hŏng mbah phŭn kơ ala čar Dhŭng Korea”.
Anei jing boh mnga tal êlâo mơ̆ng čar Daklak mâo čhĭ kơ ala tač êngao hlăm thŭn 2024. Asăr mắc ca mâo ba čhĭ kơ Dhŭng Korea truh êbeh 10 tôn mâo pla mjing ti čar Daklak. Jing mnơ̆ng ba čhĭ mâo găn leh lu gưl ksiêm bi mklă kơ hnơ̆ng doh, kơ hdră đŭng hruh, kơ anôk pla mjing. Tui si tĭng ênoh mnơ̆ng anei srăng mâo čhĭ ti dŭm boh sang mnia prŏng ti Dhŭng Korea.
Blŭ hrăm hlăm knăm anei, Huỳnh Ngọc Dương, K’iăng khua knơ̆ng bruă duh mkra mnia mblei čar Daklak lač, bruă ba čhĭ asăr mắc ca hlue mbah phŭn truh kơ Dhŭng Korea, (leh ala čar japon) lŏ sa blư̆ dơ̆ng pŏk klei găl kơ asẳ boh anei mơ̆ng Daklak mâo čhĭ kơ dŭm lăn čar ti Asi lehanăn tar rŏng lăn./.
Viết bình luận