Ti dŭm đang tiu ti čar Dak Lak, dŭm hruê anei, ai êwa pĕ tiu mơak mñai. Phung pla tiu hơ̆k mơak kyua ênoh tiu asăr đĭ. Ară anei ênoh mâo hlăm brô 89.000 - êbeh 90.000 prăk/kg. Čar Dak Lak mâo giăm 32 êbâo ha tiu, hnơ̆ng đăo tĭng mâo giăm 80. 000 ton.

Bruă ênoh tiu đĭ trŭn hlăm dŭm thŭn êgao, hlăk êjai yan adiê, klei mnơ̆ng ngă mâo lu, ênoh bi liê, mưn phung mă bruă lu hmăi kơ prăk hrui wĭt ăt msĕ mơh klei mĭn phung pla tiu. Ênoh tiu dôk đĭ mơ̆ng akŏ thŭn hrui pĕ thŭn anei mtam jing klei bi knăl jăk čiăng kơ ƀĭng lŏ hma hơĭt ai tiê bi liê mđĭ kyar kjăp ana tiu./.