Ti krah adiê hjan yan mnga, ayŏng Phạm Văn Hát, ti alŭ Kim Đôi, să Ngọc Kỳ, kdriêk Tứ Kỳ, čar Hải Dương hưn mdah kơ wăl tač prŏng – anôk rang mdah lu mta masin. Hŏng 2 bĕ kngan thâo mbruă, klei mĭn mbruă, dŭm bĕ msei jing leh dŭm mta mnơ̆ng yua jing măi krih êa drao, alôk asăr mnga krih, ruh klei pui, măi mkra ƀêñ…Pô mơ̆ng dŭm mta masin anăn knŏng mrâo mŭt hlăm bruă mkra mjing êbeh 10 thŭn hŏng anei.

“Thŭn 2007 – 2010, kâo jing pô tal êlâo ti krĭng Kwar Dưr ngă đang pla mjing djam doh, ăt čiăng nao êlâo, ƀiadah pô ngă hnưm đei mkă hŏng klei čiăng, luč liê giăm 4 êklai prăk. Leh klei anăn, kâo nao ti Israel čiăng ksiêm hriăm ya ngă pô amâo mâo tŭ jing. Tal 1 jing mă prăk tla nư, tal 2 jing hriăm mơ̆ng diñu čiăng thâo kơ klei pô ka thâo săng.”

          Nao ti Israel, ayŏng Phạm Văn Hát mâo pô đang war jao ngă bruă pruê hbâo kơ ana pla mjing. Yan adiê hlơr mơ̆ng kdrăn tač krĭng Msăt Lăn lu hruê ngă kơ ñu êmăn êmiêk.

“Kpăt êdeh mnŭ arăng hŭl hlăm sang măi jing hlơr êdi, msĕ si kpăt klŏ điŏ. Hlơr mơ̆ng 49 – 50 độ C, mâo hruê kâo mnăn 8 giêt coca sa lĭt mkrah. Êmăn srăng iêo pô đang war lač čiăng mjing dŏ anei. Êlâo dih kâo ngă ngă bruă hàn msei, tal 3 lông yua tŭ jing. Ya pô thâo klei Angle deh, ñu pah lăng kŏ pô, kŏ ñu, ñu lač same same. Hruê tal êlâo ya pô thâo hĕ same same, êmuh phung bi ala diñu lač arăng lač diñu hŏng pô thâo mĭn msĕ.”

Mă bruă hŏng bruă lŏ hma mrâo mrang mơ̆ng lăn čar găp, êjai mĭn kơ êlâo dih, srăng mưn truh kơ 40 čô mă bruă amâo thâo dưn yua masin, kdrăp mrâo, ayŏng Phạm Văn Hát dưi ƀuh phŭn agha klei amâo mâo tŭ jing mơ̆ng pô. Kyuanăn, ñu wĭt ti ƀuôn sang, knŏng sa thŭn ñu pŏk sang mkra mjing lu ênoh đuôm nư lu êdi. Lu hĕ klei arăng bi lač mrâo hriăm jih adŭ 7, đuôm nư klei, wĭt ti ƀuôn sang čô̆ kơ bruă, hruê mlam guiñ guiñ hŏng măi khăt, măi hàn, ñu mă dŭm klei hriăm klă sĭt hlăm kdrăn lŏ čiăng bi mbŏ dŭm klei kƀah hlăm adŭ hriăm. Knhal tuč mnơ̆ng mkra mjing tal êlâo leh dua thŭn dưi mkra mjing “Robot mdưm asăr”, amâo mâo êran hŏng pui kmlă, knŏng mâo mă sa môtơr, 1 dhiar angĭn, hnơ̆ng yua pui mklă knŏng 200mw ƀiădah klei hmar rah asărr hmar 2 blư̆ mkă hŏng masin mta msĕ.

“Rôbôt rah asăr anei, môtơr knŏng mdơr mă hŏng čhiên anei đuč. Ƀiădah mâo dŭm hruê kâo nao ti Hà Nội 2-3 blư̆. Kyuadah, tơdah amâo mâo thâo yua knŏng dưi mlih mă tinei đuč. Đĭ êdeh điêt kâo nao ti anôk čhĭ mnia. Ñu điêt dhiêt ƀiădah ênoh truh 3 êklăk. Wĭt lông mdưm kăn dưi, mjêč nao ba wĭt, mmăt ăt nao mlih. Kyuanăn, phŭn kčưm mô̆ anak blŭ gơ̆ djŏ mơh, dŭm mâo dŭm bi liê kơ măi rah asăr. Ăt srăng tŭ mơh klei amâo mâo tŭ jing, lŏ lui hĕ. Ƀiădah truh kơ ară anei ñu lŏ wĭt mbŏ ai tiê pô lui leh.”

Leh klei tŭ jing mơ̆ng mta mnơ̆ng tal êlâo anei, lu masin yua hlăm bruă lŏ hma anal knăl “Hát chế tạo” gưl ba rang mdah. Hlăm anăn masin tlŏ vaccine kơ mnŭ ada mâo sa êpul grŭp mơ̆ng Alemang bi klă blei hŏng klei hmăng hmưi mkra sa boh masin khuăt, điêt, ênoh êlưih hĭn mkă hŏng dŭm mta masin mơ̆ng Alemang mâo ênoh 35 êklăk prăk sa boh. Ƀiădah êjai ayŏng Hát ba mdah dŭm mda masin msĕ sơnăn knŏng mâo ênoh 1 êklăk prăk ngă kơ jih jang hlăm êpul grŭp bi kngar sơăi.

Klei hing nao kbưi, ară anei dŭm mnơ̆ng mkra mjing mơ̆ng ayŏng hát dưi ba čhĭ truh kơ 15 ala čar dlông rŏng lăn, leh anăn 63 čar, ƀuôn prŏng hlăm lăn čar. Jing sa čô tuê kral ƀô̆ mta mơ̆ng sang čhĭ mnia, Nguyễn Văn Bạo, ti să Ngọc Kỳ, kdriêk Tứ Kỳ, čar Hải Dương brei thâo: Dŭm mta masin leh anăn kdrăp yua mơ̆ng ayŏng Phạm Văn Hát dưi ba yua mtam kyua djŏ guôp hŏng boh sĭt klei mkra mjing.

“Čiăng mâo masin jăk găl hlăm bruă knuă srăng nao kơ ayŏng Hát brei ñu mkra brei. Mơ̆ng klei mĭn anăn ñu mkra mjing jăk êdi. Kyuanăn hmei jêñ jên hriê tinei”.

Krah mlan êlâo kơ Tết, sang mkra mjing mơ̆ng ayŏng Hát mâo ênoh mnuih blei lu êgao hnơ̆ng. Hlăm ênai ktar, ênai hàn amâomâo mdei, ayŏng Phạm Quang Hưng, sa čô mă bruă tinei hơ̆k mơak kyua phung blĕ ƀrư̆ hruê ƀrư̆ đăo knang:

“Klei khăp čiăng hŏng klei mkra mjing kdrăp yua bruă lŏ hma mâo anôk ayŏng Hát bi mlih djŏ guôp hŏng grăp klei čiăng mkra mjing, mơ̆ng ƀĭng ngă lŏ hma.

Dlăng kơ dŭm mta mnơ̆ng pô mkra mjing, ayŏng Phạm Văn Hát dôk mâo lu klei mĭn tĭng hlăm thŭn Giáp Thìn. Ai mkra mjing, klei khăp amâo mâo knhal hŏng bruă mkra mjing masin bruă lŏ hma dôk jing siap kơ dŭm klei hmăng hmưi phiơr nao kbưi.