Kluôm čar Daklak ară ani mâo hlăm brô 22.500 ha dang boh dủian, hlăm anăn giăm 11.000 ha mboh leh. Boh durian pla lu ti dŭm kdriêk Krông Pač, Krông Hnang, Krông Bŭk, Ea H’leo, Čư̆ M’gar, Čư̆ Kuiñ lehanăn Ƀuôn Ama Thuôt. Vũ Đức Côn, K’iăng khua knơ̆ng bruă lŏ hma čar Daklak, jing khua kiă kriê êpul hgŭm boh durian čar lač, thŭn anei boh durian djŏ boh mnga, mâo mơ̆ng 18 – 20 tôn sa ha.

Ênoh mâo hlăm yan thŭn 2023 jing êbeh 214.000 tôn, kdlưn hĭn hŏng ênoh tĭng mkă jing 195.000 tôn hlăk akŏ yan. Hŏng ênoh đăo knal bi kpleh mơ̆n 55.000 – 75.000 grăp kg (tui hlue boh tŭ), ênoh mâo ba wĭt mơ̆ng boh durian giăm 15.000 êklai prăk. Grăp ha mơ̆ng 800 êbeh 1 êklai prăk./.