Ƀuh kŭ nmâo keli ruă tưp ô̆ eh ti ƀuôn prŏng Ƀuôn Ama Thuôt (Daklak)
Thứ hai, 10:47, 26/08/2024
VOV Tây Nguyên
VOV Tây Nguyên
VOV4.Êđê- Leh hmư̆ klei hưn ŭn mâo klei ruă tưp ô̆ eh mơ̆ng sa gŏ sang rông ŭn ti să Ea Kao, Anôk bruă mdrao mgŭn mnơ̆ng rông ƀuôn prŏng Ƀuôn Ama Thuôt, čar Daklak bi mguôp leh hŏng bruă sang čư̆ êa alŭ wăl mâo mtam hdră gang mkhư̆ klei ruă tưp kơ ŭn.
Ŭn mâo klei ruă tưp ô̆ eh ti gŏ sang rông ŭn Bùi Đức Hoạch, ti alŭ mrô 1, să Ea Kao, ƀuôn prŏng Buôn Ma Thuột, čar daklak. Gŏ sang Hoạch rông truh 23 drei ŭn, hlăm anăn mâo êbeh kơ 10 drei leh ba čhĭ. Leh mkă dlăng kman, snăn thâo kơ ŭn mâo kman klei ruă tian ô̆ eh.
Jih jang ŭn mâo klei ruă ba bi rai jih hlăm tlam hrue (22/8). Hoàng Anh Dũng, Khua anôk bruă mdrao mgŭn mnơ̆ng rông ƀuôn Buôn Ma Thuột, čar Daklak lač, mbĭt hŏng bruă ba bi rai jih ŭn mâo klei ruă, anôk bruă anei lŏ bi mguôp hŏng bruă sang čư̆ êa alŭ wăl mâo klei hâo hưn kơ dŭm gŏ sang rông ŭn. Tiŏ nao nai êa drao mdrao mgŭn mnơ̆ng rông păn kjăp alŭ wăl, ktrâo atăt mnuih rông ŭn ba yua djăp hdră gang mkhư̆, lehanăn ba bi rai jih ŭn mâo klei ruă./.
Viết bình luận