Ƀuôn prŏng Hồ Chí Minh leh anăn dŭm čar Lăn Dap Kngư bi hgŭm kreh knhâo kdrăp mrâo bruă lŏ hma
Thứ sáu, 10:20, 12/04/2024
VOV Tây Nguyên
VOV Tây Nguyên
VOV4.Êđê- Kñăm mđĭ hĭn bruă bi hgŭm ksiêm hriăm kreh knhâo bruă lŏ hma leh anăn bruă duh mkra ala ƀuôn plah wah 5 čar Lăn Dap Kngư leh anăn ƀuôn prŏng Hồ Chí Minh, hruê mbruê 11/4, ti ƀuôn prŏng Kon Tum mkŏ mjing leh Klei bi kƀĭn kreh knhâo gưl krĭng “Bi trông ba yua kdrăp mrâo hlăm bruă mkŏ mjing gru hmô ba yua kdrăp mrâo; hdră pla mjing, bi lar mjeh, mkra mjing, kriê dlăng hŏng ana pla mjing dŭm čar Lăn Dap Kngư”.
14 klei ksiêm hriăm phung thơ̆ng kơ bruă, phung kriê dlăng hŏng lu klei blŭ hlăm Klei bi kƀĭn brei ƀuh, krĭng Lăn Dap Kngư mâo ênhă prŏng tal 3 kluôm ala leh anăn lu klei găl čiăng mđĭ kyar bruă lŏ hma. Khădah snăn, kyua bi hgŭm krĭng hlăm bruă ênoh ênil hlăm klei ba yua kreh knhâo, mlih mrâo kdrăp mrâo anăn Lăn Dap Kngư ka mđĭ lar năng ôh klei găl.
Nguyễn Hữu Tháp, K’iăng Khua Knơ̆ng bruă sang čư̆ êa čar Kon Tum lač, bruă bi hgŭm hŏng ƀuôn prŏng Hồ Chí Minh hlăm klei ksiêm hriăm, mđĭ lar kdrăp mrâo, mđĭ mkŏ srăng pŏk mlar klei čiăng mđĭ kyar prŏng, đru mkŏ mjing dŭm hdră bi hgŭm bruă lŏ hma bi knar hŏng klei găl Lăn Dap Kngư./.
Viết bình luận