Ƀuôn prŏng Đà Lạt, čar Lâm Đồng ară anei mâo 2.900 ha sang ală kĭng bruă lŏ hma hlăm ƀuôn prŏng. Lu ênhă sang ală kĭng anei cŏng duah rŭ mjing, amâo mâo rơ̆ng dŭm hnơ̆ng čuăn kơ wăl hdĭp, êlan kdŭn, amâo mâo kdrăp hrui mă êa, hnơ̆ng kpal, pluă hlăm anôk dôk…Anei jing sa hlăm dŭm phŭn agha ngă kơ êa hjan amâo mâo hmao đue, ngă klei êa lip ti ƀuôn prŏng.

Čiăng bi hrŏ, mđing truh lui jih sang ală kĭng ti ƀuôn prŏng Đà Lạt, êngao kơ bruă mkŏ mjing lu klei bi hmô mkra mjing bruă lŏ hma mâo boh tŭ dưn čiăng pŏk mlar, čar mñă leh kơ knơ̆ng prăk knŭk kna Việt Nam anôk bruă ti Lâm Đồng ksiêm dlăng, ba yua dŭm hdră êlan brei čan prăk mnga hdjul hŏng ênoh êbeh 4.800 êklai prăk, čiăng kơ ƀĭng ngă lŏ hma mkra mjing ti tač adiê.