Hlue si Knơ̆ng bruă lŏ hma - mđĭ kyar krĭng ƀuôn sang čar Dak Lak, thŭn 2023, bruă lŏ hma leh anăn dŭm anôk bruă pŏk ngă lu hdră msir kriê dlăng, răng mgang dliê anăn ênoh klei ngă soh kơ răng mgang dưi gang mkhư̆, hmao msir mgaih, ênoh ngă soh hrŏ 20% mkă hŏng thŭn 2022.

Bruă mđĭ kyar dliê dưi mđĭ ktang. Mđing pla mrâo dliê mkra mjing, mđĭ ktang klei pla mrâo, ênoh yuôm dliê pla mjing. Truh ară anei, dŭm anôk bruă duh mkra leh anăn pô dliê pla leh 2.500ha, êgao hdră kčah 38,6%. Khădah snăn, ênoh luôm mơ̆ng dliê ti čar Dak Lak mrâo êbeh 38%, amâo djăp hnơ̆ng kčah Hdră mtrŭn êpul gơ̆ng bruă ƀuôn sang čar kčah jing 39,24%.