Dak Lak ênoh kphê lŏ đĭ yuôm, phung duh mkra mnia mblei kphê hŏng tač êngao dôk tlă anăp hŏng lu klei amâo mâo hơĭt
Thứ năm, 00:00, 21/12/2023
VOV TAYNGUYEN
VOV TAYNGUYEN
VOV4.Êđê- čar Daklak mrâo hưn kơ boh hrui êmiêt kphê thŭn 2022-2023. Năng mđing jing hlăm êbeh 1 thŭn êgao, ênoh kphê dơ̆ng mâo klei đĭ. Ƀiădah klei đĭ yuôm anei amâo mâo prŏng ôh, jing amâo mâo klei bi dleh ôh hŏng bruă mnia mblei hŏng ala tač êngao, klei anei mdưn kơ phung ngă bruă kiă kriê dôk ti anăp klei dleh dlan.
Ară anei daklak lehanăn dŭm čar ti lăn dap kngư hlăk dôk pĕ kphê, lehanăn ênoh čhĭ kphê asẳ bi kpleh mơ̆ng 58.000 truh 69.000 prăk/1kg, jing leh ênoh yuôm hĭn êdi mơ̆ng êlâo dih truh kơ ară anei.
Tui si Lê Thanh Sơn, khua kiă kriê Marketing, knơ̆ng bruă bi mnia mblei hŏng tač êngao hrue 2-9 Dak Lak, hŏng ênoh čhĭ ară anei jing ba wĭt klei tŭ dưn kơ mnuih pla kphê, ƀiădah jing klei lông dlăng hŏng phung mnia mblei hŏng ala tač êngao. Mbĭt hŏng mta kñăm bi mâo ênoh čuăn jăk, phung mnia mblei hŏng ala tač êngao čiăng lŏ bi mâo ênoh prăk đĭ lu hĭn dua blư̆ mkă hŏng thŭn dih, lehanăn hlăk dôk tinăp klei amâo mâo jăk hlăm klei bi mnia mblei./.
Viết bình luận