Dak Lak mâo êbeh 700 êpul hgŭm bruă
Thứ sáu, 11:17, 22/09/2023
VOV TAYNGUYEN
VOV TAYNGUYEN
VOV4.Êđê- Bruă sang čư êa čar Dak Lak mkŏ mjing klei kƀĭn trông ksiêm wĭt 3 thŭn hluê ngă hdră êlan mđĭ kyar bruă duh mkra êpul, êpul hgŭm bruă wưng thŭn 2021 – 2025 leh anăn hdră ngă bruă mơ̆ng bruă sang čư êa čar hluê ngă klei bi klă mơ̆ng Phŭn bruă kđi čar kơ klei lŏ dơ̆ng mlih mrâo, mđĭ kyar leh anăn mđĭ boh tŭ dưn bruă duh mkra êpul hlăm wưng kơ anăp.
Yap truh mlan 9/2023, ti čar Dak Lak mâo 746 êpul hgŭm bruă, 5 Êpul hgŭm bruă bi hgŭm leh anăn 403 êpul bi mguôp. Keh prăk mđĭ kyar êpul hgŭm bruă čar Dak Lak brei čan leh kơ 32 êpul hgŭm bruă hŏng ênoh êbeh 19 êklai prăk. Keh prăk đru mgaih msir bruă mă dôk ngă kơ mơar kơ 8 êpul hgŭm bruă lĭng čan êbeh 1 êklai prăk.
Nguyễn Thiên Văn, k’iăng khua bruă sang čư êa čar Dak Lak mñă klă, dŭm thŭn êgao bruă duh mkra êpul ti čar Dak Lak đĭ kyar wăt kơ ênoh leh anăn hnơ̆ng tŭ jăk, đru mguôp prŏng hlăm bruă mkŏ wĭt klei mkra mjing, mđĭ ênoh mnơ̆ng dhơ̆ng, đru bi mlih boh sĭt krĭng ƀuôn sang ti alŭ wăl.
Viết bình luận