Dak Lak: Mâo hdă tlŏ vắc xin gang mkhư̆ klei ruă tưp ŭn ruă tian ô̆ eh
Thứ tư, 10:31, 27/12/2023
VOV Tây Nguyên
VOV Tây Nguyên
VOV4.Êđê- Aguah mbrue (26/12), Knơ̆ng bruă lŏ hma čar Daklak bi mguôp leh hŏng knơ̆ng bruă AVAC jing anôk mkra mjing lehanăn čhĭ vaccin kơ mnơ̆ng Việt Nam mkŏ mjing klei trông čhai duah hdră ba yua vacxin gang mkhư̆ klei ruă tưp ruă tian ô̆ eh kơ ŭn ti čar Daklak.
Truh mlan 7 thŭn 2023, mâo leh jih jang êbeh 650.000 hnơ̆ng vắc xin gang mkhư̆ klei ruă tưp ô̆ eh kơ ŭn, djăp ênoh čuăn 100%; ba yua leh êđăp ênang ti êbeh 30 boh čar, ƀuôn prŏng hlăm kluôm ala. Tui si Trần Ngọc Sơn, Khua anôk bruă rông mnơ̆ng čar daklak, truh ară anei, klei ruă tưp ô̆ eh kơ ŭn bluh đĭ leh ti 680 gŏ êsei rông ŭn hlăm 13 boh kdriêk.
Ênoh ŭn mâo klei ruă, djie kmăp lehanăn ba dơr truh 4.840 drei. Truh kơ ară anei, kluôm čar Daklak mâo 5 boh kdriêk ŭn mâo klei ruă tưp ô̆ eh ka êgao ôh 21 hrue. Klei vắc xin AVAC ASF LIVE mâo leh klei dưi ba yua, lehanăn mâo ba yua ƀuh leh klei tŭ dưn mơ̆ng bruă gang mkhư̆ klei ruă tưp kơ ŭn hlăm čar./.
Viết bình luận