Dak Lak mđĭ lar boh tŭ hdră bruă grăp să sa mta mnơ̆ng
Thứ hai, 10:09, 11/12/2023
VOV Tây Nguyên
VOV Tây Nguyên
VOV4.Êđê- Ti ƀuôn prŏng Ƀuôn Ama Thuôt, Adŭ bruă gĭt gai krĭng ƀuôn sang mrâo čar Dak Lak mkŏ mjing adŭ hriăm mjuăt, mtô Hdră grăp să sa mta mnơ̆ng (OCOP) thŭn 2023 kơ 150 čô hriăm jing bi ala kơ anôk bruă duh mkra, êpul hgŭm bruă, êpul bi hgŭm leh anăn gŏ êsei mkra mjing ti čar.
Hlăm hdră hriăm mjuăt, phung hriăm ăt hrăm mbĭt bi trông, êmuh kah mbha klei thâo, hdră ngă, hdră msir klă sĭt čiăng msir mgaih klei dleh dlan, gun kpăk tơdah hgŭm hlăm hdră.
Hlue si Dương Tín Đức, Khua adŭ bruă gĭt gai krĭng ƀuôn sang mrâo čar Dak Lak: leh giăm 6 thŭn pŏk ngă Hdră OCOP, čar Dak Lak mâo leh 152 mta mnơ̆ng dưi tŭ yap mnơ̆ng OCOP. Hlăm anăn mâo 1 mnơ̆ng dhơ̆ng mâo klei găl 5 mtŭ, 19 mta mnơ̆ng djăp 4 mtŭ leh anăn 132 mta mnơ̆ng 3 mtŭ./.
Viết bình luận