Dak Lak ară anei mâo êbeh 657 ha lăn pla mjing lu mta msĕ si kphê, ksu, tiu, kñŭl, ana ƀơ̆ng boh. Hlăm anăn kphê mâo ênhă giăm 213 êbâo ha, hnơ̆ng boh mnga êbeh 550 êbâo tôn grăp thŭn. Hlăm klei kƀĭn trông, phung bi ala bi klă boh tŭ dưn bruiă hluê ngă dŭm mta bruă kñăm krŭ wĭt wăl dliê, boh nik hŏng klei bi hmô pla mjing kphê bruă lŏ hma mnơ̆ng hlăm dliê bi mguôp.

Phung bi ala lač, klei bi hmô anei dưi ba wĭt boh tŭ dưn kơ bruă duh mkra, mđĭ prăk mnga kơ phung pla mjing. Klei hmăng hlăm bruă yang ƀuôn hŏng ai dưi iêo jak mnuih mă bruă leh anăn mđĭ ênoh prăk mưn mnuih mă bruă. Mbĭt anăn klei bi hmô mkŏ mjing boh tŭ dưn hŏng wăl hdĭp mda, đru bi hrŏ klei krih êa mơ̆ng đang pla mjing, rơ̆ng kơ hnơ̆ng h’ap msah hlăm lăn, boh nik hlăm yan bhang.