Gưl adiê hjan prŏng angĭn đrŭng tlam mmt hruê 6/7 ngă leh dŭm êtuh ana boh durian mprăp hrui êmiêt ti kdriêk Čư̆ Mgar, čar Dak Lak êbuh ngă luič liê truh dŭm êklai prăk. Lu ƀĭng ngă lŏ hma ênguôt. Leh klei truh anei, mnuih ƀuôn sang knŏng thâo hrui mƀĭn boh durian mkăm sa anôk, lui jih.

Bi boh durian dơ̆ng ksă dưi kah mbha čhĭ kơ phung ghan mnia hŏng ênoh 10 êbâo prăk/kg čiăng dul ƀiă klei luič liê. Adŭ bruă Lŏ hma mđĭ kyar krĭng ƀuôn sang kdriêk Čư̆ Mgar bi hgŭm hŏng bruă sang čư̆ êa dŭm să thâo klă klei mâo, ksiêm tĭng klei luič liê čiăng hnưm mâo hdră đru kơ ƀĭng ngă lŏ hma mâo hdră msir mghaih ana čiăng êbuh čiăng krơ̆ng kjăp dŭm mta ana anăn./.