Anôk bruă Halal tar rŏng lăn mâo lu klei găl kơ hnơ̆ng hlăk ênoh mnuih Islam mâo truh hlăm brô 2 êklai prăk hlăm thŭn 2023. Hdră duh mkra Halal tar rŏng lăn dôk đĭ kyar pral hŏng lu hdră bruă. Ti anôk bi kƀĭn bi ala êpul Halal Việt Nam lač snei, lu mnơ̆ng ngă lŏ hma mơ̆ng Việt Nam lač kluôm hlăm anăn mâo Dak Lak mâo djăp hnơ̆ng čuăn kơ klei doh êƀăt mnơ̆ng dhơ̆ng, djŏ guôp hŏng klei čiăng mơ̆ng Halal.

Khă snăn, ară anei mnơ̆ng dhơ̆ng Halal ba čhĭ lu jing mnơ̆ng ka mkra mjing lehanăn leh mkra mjing. Kyua anăn, dŭm anôk bruă duh mkra, êpul hgŭm bruă mơ̆ng čar Dak Lak brei mđing hĭn kơ hdră mkra mjing, hưn mthâo mơ̆ng wăl anôk mnia mblei, hnơ̆ng čuăn Halal čiăng ngă jăk hĭn hnơ̆ng čuăn mơ̆ng wăl anôk mnia mblei dŭm ala čar Islam ti krĭng Ơrôp, Asi lehanăn Arab…