Dak Lak – Quảng Ngãi mtrŭt mđĭ klei mnia mblei mblei mnơ̆ng dhơ̆ng OCOP
Thứ tư, 10:32, 20/12/2023
VOV Tây Nguyên
VOV Tây Nguyên
VOV4.Êđê- Aguah mbruê 19/12, ti ƀuôn prŏng Ƀuôn Ama Thuôt, knơ̆ng bruă lŏ hma leh anăn mđĭ kyar krĭng ƀuôn sang čar Dak Lak bi mguôp hŏng knơ̆ng bruă lŏ hma leh anăn mđĭ kyar krĭng ƀuôn sang čar Quảng Ngãi mkŏ mjing klei kƀĭn trông mtrŭt mđĭ klei mnia mblei leh mkŏ klei mnia mblei đa đa mnơ̆ng dhơ̆ng OCOP thŭn 2023.
Hlăm klei kƀĭn trông phung pô mnơ̆ng dhơ̆ng OCOP dua čar Quảng Ngãi leh anăn Dak Lak hưn mdah leh anăn kah mbha mnơ̆ng dhơ̆ng jăk mơ̆ng grăp čar msĕ si êa msĭn Mười Quý, êsŭn toi Lý Sơn, quế Trà Bông, kan ƀống krông Trà čar Quảng Ngãi, kphê kpŭng hnơ̆ng tŭ jăk, durian krô, maka, êa čê boh khiêt mơ̆ng čar Dak Lak.
Anei jing dŭm mta mnơ̆ng dhơ̆ng phŭn mơ̆ng dua čar, mâo klei găl mtrŭt mđĭ klei mnia mblei hlăm dŭm mbah hla pŏk kñăm mđĭ kyar anôk ba čhĭ hơĭt ti găp čar leh anăn kluôm ala. Hlăm klei kƀĭn trông, pô bi ala êbeh 20 pô mnơ̆ng dhơ̆ng mơ̆ng dua čar bi klă hră bi hdơr bi mguôp hŏng hlăm brô 50 mnơ̆ng dhơ̆ng OCOP leh anăn mnơ̆ng dhơ̆ng phŭn ti alŭ wăl.
Viết bình luận