Hlue anăn, Knơ̆ng bruă sang čư̆ êa čar Dak Lak mtă kơ Khua Knơ̆ng bruă sang čư̆ êa dŭm kdriêk, wăl krah, ƀuôn prŏng gĭt gai dŭm adŭ, anôk bruă djŏ tuôm, dŭm êpul bruă, phung mkra mjing, mbia blei kphê ti alŭ wăl mâo hdră kčah leh anăn mđĭ bruă răng mgang kjăp ênhă kphê truh wưng hrui pĕ; mđĭ bruă hâo hưn, mtô mblang, iêô jak dŭm êpul bruă amâo pĕ ôh kphê mtah, rơ̆ng ênoh kphê ksă tơdah pĕ êbeh 85% ( tơdah pĕ knhal jih yan, ênoh ksă ƀiă êdi 80%).

Mbĭt anăn, mâo hdră msir bi jăk hŏng klei hrui pĕ, čhĭ kphê mda; ktrâo lač kơ mnuih ƀuôn sang mprăp tač ƀhu, masin ƀhu čiăng gang mkhư̆ truh yan hrui pĕ adiê hjan sui hmăi kơ hnơ̆ng jăk kphê./.