Anei jing alŭ wăl tal 2 ti čar Dak Lak êdei kơ kdriêk Krông Pač dưi mkăp hră bi mklă anăn knăl durian êpul lu. Durian Čư̆ M’Gar mâo Anôk bruă kriê dlăng klei thâo, Phŭn bruă kreh knhâo - kdrăp mrâo mkăp tŭ yao anăn knăl êpul lu “Durian Čư̆ M’Gar” hruê 10/7/2023. 

Hră bi mklă dưi dưn hlăm 10 thŭn yap mơ̆ng hruê mkăp. Anei jing tur knơ̆ng hdră bhiăn mjing klei găl čiăng kơ kdriêk Čư̆ Mgar lŏ dơ̆ng mđĭ kyar anăn knăl leh anăn mđĭ ênoh yuôm mnơ̆ng dhơ̆ng mơ̆ng durian. Kdriêk Čư̆ Mgar mâo êbeh 4.100 ha durian. Ênhă hrui pĕ 1000 ha, hnơ̆ng đăo tĭng mâo 20 êbâo tôn. Truh ară anei, kdriêk Čư̆ M’Gar mâo 13 anôk bruă duh mkra bi hgŭm mkra mjing, kčĕ hdră mnêč, ba čhĭ mnơ̆ng dhơ̆ng hŏng dŭm êpul hgŭm bruă keh anăn dưi bi leh hră mơar 37 mrô krĭng pla durian hŏng êbeh 830 ha.