Hluê si Lê Trung Kiên, Khua knơ̆ng bruă mnuôr mbông êa čar Dak Nông brei thâo, hluê klei tĭng dlăng mơ̆ng anôk bruă, mơ̆ng mlan 2 truh kơ mlan 4 thŭn 2024, phŭn mkăp êa ti dŭm krĭng srăng hrŏ ngă kơ klei kƀah êa yua hlăm bruă lŏ hma lehanăn klei hdĭp aguah tlam hlăm yan bhang.

Anăp klei anei, Anôk bruă sang čư̆ êa čar Dak Nông ba mdah leh hdră kčah gang mkhư̆ klei kƀah êa, mtă kơ dŭm anôk bruă, alŭ wăl ksiêm dlăng kjăp yan adiê, phŭn mkăp êa, bi mklă krĭng čiăng krih êa, krĭng huĭ kƀah êa, pral mâo hdră mkra mlih hdră krih êa, yan ngă bruă lehanăn bi mlih mnơ̆ng pla djŏ guôp.