Daklak ba jao lehanăn dưn yua ênao êa mdrơ̆ng hŏng klei bi mlih yan adiê
Thứ tư, 14:09, 01/11/2023
VOV Tây Nguyên
VOV Tây Nguyên
VOV4.Êđê - Tlam mbrue, ti să Êa Kêñ, kdriêk krông Pač, čar Daklak, knơ̆ng bruă lŏ hma čar mkŏ mjing ba jao lehanăn ba yua ênao êa mdrơ̆ng hŏng klei bi mlih yan adiê, lehanăn đru kơ bruă lŏ hma dôk hlăm knua “Mđĭ hĭn klei dưi mdrơ̆ng hŏng klei bi mlih yan adiê, lehanăn đru hlăm bruă mkăp êa kơ alŭ wăl điêt mơ̆ng čar Daklak.
Găn hlăm 2 thŭn ngă bruă, mâo leh êbeh 3.400 gưl čô mnuih mâo mjuăt bi hriăm kơ bruă kiă kriê lăn ala, lehanăn wăl hdĭp mda, hŏng êbeh 1 êbâo gŏ êsei ƀun lehanăn giăm ƀun mâo đru kơ kdrăp mă bruă, hŏng hdră hră mơar mlih mnơ̆ng hŏng ênoh jih jang hlăm brô êbeh 5 êklai prăk, bi leh mkra mrâo lehanăn mkra wĭt truh 69 boh ênao pioh mdrơ̆ng hŏng klei bi mlih yan adiê, dôk hlăm ênoh jih jang truh 260 boh ênao.
Blŭ hrăm ti anôk mkŏ mjing, Nguyễn Hoài Dương, khua knơ̆ng bruă lŏ hma čar Daklak brei thâo, jih jang klei đru anei mơ̆ng hdră Êpul hgŭm lu ala čar mkăp, mâo phŭn bruă lŏ hma đru kơ mnuih ƀuôn sang ƀrư̆ ƀrư̆ dưi tlaih mơ̆ng ƀun hŏng klei kjăp hĭn./.
Viết bình luận