Bruă anei mâo êpul hgŭm phung ngă lŏ hma čar Daklak bi mguôp hŏng êpul hgŭm bruă pla mjing boh durian Thông Phong, să Krông Knô, kdriêk Lăk, čar Daklak. Anei jing êpul hgŭm tal êlâo mâo mkŏ mjing bruă pla boh durian ti alŭ wăl, mơ̆ng thŭn dih, mâo 10 čô ƀĭng hgŭm, lu jing mnuih djuê ƀiă, hlăm 15ha đang boh durian mơ̆ng 1 - 8 thŭn.

Hlăm 2 thŭn, bruă anei srăng mjuăt bi hriăm klei ba yua kdrăp mă bruă mrâo mrang, bi mguôp hŏng hdră êlan mkŏ mjing bruă hiu čhưn ênguê hlăm klei lông ngă bruă hlăm đang. Kñăm čiăng đru kơ mnuih djuê ƀiă thâo duh ƀơ̆ng hŏng bruă kreh knhâo mrâo mrang, mâo klei bi hgŭm bruă truh kơ klei bi mnia mblei. Ti anôk bi trông anei, mâo leh lu klei bi trông lač bruă anei năng dưi ngă, lehanăn lông ngă klei bi hgŭm hlăm lu mta bruă, lehanăn mkă hnơ̆ng boh tŭ dưn mâo ti alŭ wăl./.