Kluôm čar ară anei mâo truh 619 bĭt ênao kdơ̆ng êa hŏng ênoh dưi mgơ̆ng truh 650 êklăk m3 êa; 161 knơ̆ng êa mđĭ, 76 anôk pom êa, lehanăn dua bĭt guê gang êa prŏng. Kyua tuôm hŏng klei hjan hlĭm lu, snăn lu kdơ̆ng kdơ̆ng êa dơ̆ng jhat kdluh, ba klei amâo mâo hơĭt ôh kơ knơ̆ng kdơ̆ng êa.

Nguyễn Công Hạnh, k’iăng khua kiă kriê knơ̆ng kdơ̆ng êa čar Daklak hưn, ară anei hlăk hlê dôk kiă kriê truh 345 knơ̆ng mbông êa, pioh krih mđoh kơ êbeh 80.000 ha mnơ̆ng pla, lehanăn rông kan hdang. Wưng hjan leh êgao, ti kdriêk Ea Sup jhat prŏng, lehanăn lu anôk mkăn hlăm dŭm kdriêk msĕ si: Krông Ana, Lắk, Krông Bông dôk hlăm klei huĭ hyưt mơh, hlăk dôk ksiêm dlăng akâo kơ klei mkra wĭt./.