Phŭn bruă lŏ hma Việt Nam lehanăn knơ̆ng bruă kiă kriê klei mŭt kbiă mơ̆ng China mâo leh klei kuôl kă kơ hnơ̆ng doh boh durian bi êăt Việt Nam dưi ba čhĭ kơ China. Hŏng hdră mtrŭn mrâo kuôl kă, đăo tĭng ênoh bi mnia mblei boh durian leh bi êăt mơ̆ng Việt Nam hlăm thŭn 2025 năng ai truh 300 êklăk Đô la.

Ti Daklak anôk pla mjing boh durian prŏng dôk tal dua kluôm ala, čar anei mprăp leh kơ bruă mprăp djăp boh durian bi êăt čhĭ djŏ hŏng klei leh kuôl kă. Daklak mâo leh giăm 33.000 hec ta đang boh durian, hnơ̆ng mâo grăp thŭn êbeh 280.000 tôn. Kluôm čar mâo truh 23 anôk đŭgn hruh, lehanăn 68 krĭng pla mjing mâo leha năn knăl pioh ba čhĭ kơ ala car China. Klei phŭn bruă lŏ hma Việt Nam lehanăn knơ̆ng bruă kiă kriê klei mŭt kbiă bruă bi mnia mblei China mâo leh klei kuôl kă kơ bruă bi čhĭ mnia boh durian bi êăt, jing pŏk klei găl prŏng kơ bruă boh durian Việt Nam hlăm anăn jing hŏng čar Daklak./.