Dua čar Kon Tum leh anăn Gia Lai mđĭ hĭn bruă răng mgnag dliê bi bi knông
Thứ tư, 15:44, 03/04/2024
VOV Tây Nguyên
VOV Tây Nguyên
VOV4.Êđê - Boh sĭt klei koh druôm, čhĭ mnia, dŭ mdiăng mnơ̆ng hlăm dliê soh hŏng hdră bhiăn krĭng bi mnông ăt ka dưi mgaih msir kluôm. Anei jing klei bi klă mơ̆ng bruă sang čư êa čar Kon Tum leh anăn Gia Lai hlăm klei kƀĭn trông ksiêm wĭt boh tŭ hluê ngă hdră bi mguôp hlăm bruă kriê dlăng, răng mgang dliê leh anăn kriê dlăng mnơ̆ng hlăm dliê krĭng bi knông 2 čar mkŏ mjing tlam mbruê ti ƀuôn prŏng Kon Tum, čar Kon Tum.
Dua čar Kon Tum leh anăn Gia Lai bi knông mâo 9 kdriêk, ƀuôn prŏng hŏng boh taih êbeh 183 km. Krĭng bi knông mâo lu ênhă dliê hrông, mâo kyâo lu, knhuah lu jơr mnơ̆ng hdĭp, lu mta hlô mnơ̆ng, ana kyâo yuôm, kyuanăn ênưih sơnăk mâo phung bi rai.
5 thŭn êgao, hluê ngă hdră bi mguôp, êpul êya ngă bruă dua čar mkŏ mjing êbeh 1.300 gưl hiu gak răng, tiŏ mă phung bi rai dliê, hmao ƀuh, ngă hră mơar mgaih msir klei ngă soh 275 boh klei, hlăm anăn đru bi kmhal 242 klei ngă soh, ƀuah mkra ktang 27 klei ngă soh hŏng giăm 16 ha dliê rai. Hrui mă êbeh 815 m3 kyâo wĭl dŭm mta, 20 kg hlô mnơ̆ng dliê. Jih jang prăl hrui mă, bi mŭt hlăm ngăn prăk lăn čar êbeh 2 êklai 500 êklăk prăk.
Viết bình luận