Dưn yua klei mrâo mrang mrô mtrŭt mđĭ klei đĭ kyar bruă lŏ hma ti wăl krah
Thứ sáu, 10:20, 12/04/2024
VOV Tây Nguyên
VOV Tây Nguyên
VOV4.Êđê- Aguah mbruê 11/4, ti ƀuôn prŏng Đà Lạt, Anôk bruă mtrŭt mđĭ bruă lŏ hma ala čar (Phŭn bruă lŏ hma leh anăn mđĭ kyar krĭng ƀuôn sang) bi mguôp hŏng knơ̆ng bruă lŏ hma leh anăn mđĭ kyar krĭng ƀuôn sang čar Lâm Đồng mkŏ mjing klei kƀĭn trông mtrŭt mđĭ bruă lŏ hma wăl krah gưl tal 1 thŭn 2024 hŏng akŏ dưn yua klei mlih mrô hlăm bruă mkra mjing leh anăn ba čhĭ mnơ̆ng dhơ̆ng bruă lŏ hma doh.
Klei kƀĭn mâo leh mmông hmư̆ 5 klei hlăk mblang, bi trông leh anăn mâo lu klei blŭ mguôp mơ̆ng phung thơ̆ng kơ bruă, phung kreh knhâo, dŭm anôk bruă kriê dlăng hdră mlih mrô mơ̆ng dŭm Phŭn, Dhar bruă, êpul bi mguôp mtrŭt mđĭ bruă lŏ hma wăl krah ti dŭm alŭ wăl.
Lê Minh Lịch, k’iăng khua kiă kriê anôk bruă mtrŭt mđĭ bruă lŏ hma ala čar brei thâo, klei kƀĭn trông srăng đru mtrŭt mđĭ bruă mlih mrô hlăm bruă mkra mjing leh anăn ba čhĭ mnơ̆ng dhơ̆ng bruă lŏ hma doh ti wăl krah hlăm wưng kơ anăp.
Viết bình luận