Hlăm wưng êgao, dŭm êpil mtrŭt mđĭ bruă lŏ hma ala ƀuôn đru leh kơ mnuih ƀuôn sang, êpul hgŭm bruă kơ hdră mnêč pla mjing kphê hluê dŭm knơ̆ng čuăn, pŏk mlar krĭng pla mjing kphê kjăp. Hlăm anăn, klei bi hmô mtrŭt mđĭ bruă lŏ hma ti čar Kon Tum dưi bi klă yuôm bhăn kyua bruă hrăm mbĭt hŏng giăm 400 gŏ sang, mkra mjing 2000 tôn kphê asăr hnơ̆ng čuăn 4C.

Leh hmư̆ dŭm klei blŭ mguôp kơ bruă mđĭ ai dưi mơ̆ng êpul mtrŭt mđĭ bruă lŏ hma ala ƀuôn, Lê Quốc Thanh, Khua kiă kriê Anôk bruă mtrŭt mđĭ bruă lŏ hma ala čar brei thâo, anôk bruă srăng hrăm mbĭt, đru čiăng mđĭ ai dưi kơ dŭm êpul mtrŭt mđĭ bruă lŏ hma ala ƀuôn ti krĭng pla mjing kphê ti krĭng Lăn Dăp Kngư.